Arcibald Knox (1864-1933) sleit barnsskóm sínum á eyjunni Mön. Árið 1897 flutti hann til London og fór fljótlega að teikna hluti fyrir Liberty verslunina sem var ein af höfuðstöðvum Art Nouveau í Bretlandi. Hann gerði hluti úr silfri og pjátri sem gjarnan voru skreyttir Keltneskum táknum, sem hann hafði mikið dálæti á, en hannaði einnig vefnað, veggfóður of leirvörur. Liberty verslunin hafði þá reglu að merkja ekki vörur með nafni höfundar, þessu mátti Knox una en Liberty fjölskyldan bar sérstaka virðingu fyrir honum og þegar stofnandi verslunarinnar Arthur Liberty lést var Knox falið að hanna legstein við gröf hans. Árið 2006 voru stofnuð samtök sem munu kynna list Knox og stuðla að því að honum verði skipaður sá sess sem hann verðskuldar.
Hlutirnir hans eru allir svo fallegir að erfitt var að velja úr þeim svo vel færi. Þessar ótrúlega fallegu klukkur fara þó vel saman og sýna einstakt formskyn Knox og fjölhæfni. 
.
Skemmtilegt blogg.. hef verið að fylgjast með núna í nokkurn tíma.. takktakk!
ReplyDeleteDesign and ThingsApril 14, 2011 at 4:48 PM
Kærar þakkir Dudua. Mér þykir mjög gaman að stússa við þetta og það er gaman að vita að einhver deilir því með mér. Takk.
ReplyDelete