Skissubisniss

Veit hreint ekki hvernig mér datt í hug að taka til í margra ára gömlum skissum og dóti sem ekki er farið til Sorpu - himnaríkis yfirgefinna hluta - á sjálfan nýársdag. Það reyndist vera næstum því óviðráðanlegt og svei mér ef ég pakka því ekki niður aftur og læt það ekki bara bíða í nokkur ár í viðbót.
Það gekk miklu betur að losna við innréttingateikningarnar á sínum tíma, það fór bara mikið af þeim til Sorpu-himnaríkis - næstum því tvö þúsund stykki. Sennilega hittu þær þar fyrir eitthvað sem hefur verið smíðað eftir þeim og jafnvel eigendurna sjálfa líka.

• Skissubisniss og símakrot •

• Hef ekki hugmynd um hvað var í gangi, ef það var þá eitthvað •

Tók nú samt ýmislegt til handargagns áður en ég gafst upp. Þetta eru t.d. ævafornar skissur sem ég dunda gjarnan við  á meðan ég tala  í síma. Hef ekki  hugmynd um hvað var í gangi, ef það var þá eitthvað.