Wallpaper* verðlaunar skrifborð.

Hönnuðirnir láta smíða húsgögnin og sjá einnig um söluna.  Myndir/Photos: James Merrell

Skrifborðið sem hlaut viðurkenningu Wallpaper*

Wallpaper* var að koma inn um póstlúguna. Í þessu hefti er kunngert hverjir hljóta viðurkenningar fyrir hönnun á síðastliðnu ári. Veittar eru sjötíu viðurkenningar fyrir allt frá ruslafötum, kertum og kaffikrúsum til flugvélasæta og borga. Nánari upplýsingar er að finna hér. Þessar myndir bárust mér frá ungum hjónum sem reka Pinch Design í London,  þau fengu viðurkenningu fyrir besta skrifborðið en það er 14. viðurkenningin sem þau hljóta á sex árum. Þau einbeita sér að því að hanna vönduð húsgögn sem standast tímans tönn og sjá sjálf um að láta smíða þau, en þau eru einungis smíðuð eftir pöntun.