Úr skóginum - 12 sæti Royal College

Eins manns bátur til að tylla sér í

Royal College of Art lagði sinn skerf til London Design Festival 2012. Í Victoria & Albert safninu sýndu nemendur skólans 12 stóla á sýningunni "Out of the Woods". Verkefnið var víðfeðmt og fól í sér, auk hönnunar, athuganir á umhverfisáhrifum, endingu og framleiðsluaðferðum. Ennfremur voru samdar sögur eða ljóð um hvern stól: "Adventures of Twelve hardwood Chairs".

Harðviðurinn í stólana er amerískur en þeir vor smíðaðir hjá Benchmark í Englandi.
Nemendurnir slógu upp tjaldbúðum garðinum hjá Sir Terence Conran, sem oft en kenndur við Habitat, en hann er einn af eigendum Benchmark. Þar höfðu þau bækistöðvar á milli þess sem unnið var við smíðina í trésmiðjunni. Hér má lesa um Conran fyrirtækin

Oft er sagt að mynd segi meira en orð en í þessu tilfelli á það ekki við. Að baki hvers stóls liggja vangaveltur sem ómögulegt er að tjá nema í orðum - og myndum. Á vef core77.com er ágæt umfjöllun um verkefnið sem vert er að lesa, þar er einnig að finna fleiri myndir.

Hér eru myndir af öllum stólunum

"Tree Furniture" 

Te fyrir einn og Biðukolla

Eitt borð, einn bolli - Tea for One

Litlir einfaldir hlutir gerðir af einlægni og virðingu fyrir efni og notanda eru oftast bestir. Þess vegna heillaði þetta borð mig á Tent London 2012. Það heitir "Tea for One" og er nákvæmlega það - te fyrir einn. Fullkomlega handsmíðað úr gegnheilum við, keramik og vaxborinni snúru eða leðri. Fallegt. 

Og sýningarsvæðið var jafn einfalt og borðið. 

Hönnuðurinn heitir Byung og er Japanskur, eins og búast má við þegar svona fallega er hugsað um te

Te fyrir einn og Biðukolla

Biðukolla

Frá sama hönnuði og í sama einlæga stílnum kemur kollurinn Biðukolla "Dandelion" og ber nafn með rentu. Kollinum fylgir borð í sama stíl.

Dandelion - kollur og borð

Tea for Two og Dandelion er selt hjá: designk.co.uk

Hresst upp á J39 "Folkestolen"

"Folkestolen" fær ærlegt bað með garðslöngunni

Ekki lái ég neinum þess að telja mig endanlega af göflum genginn þegar þessar myndir eru skoðaðar, enda dettur sennilega fæstum í hug að taka J39 stólanna sína og setja þá undir garðslönguna. 

Borge Mogensen hannaði stólinn J39 um 1947 undir vinnuheitinu "Prik-stóllinn" fyrir FDB,  sem helgaði sig framleiðslu stílhreinna og ódýrra húsmuna. Stóllinn skyldi vera vandaður borðstóll á verði sem flestir réðu við. Þetta tókst svo vel að nú er J39 þekktasti stóll Danmerkur, hann er í hverju húsi og kallaður "Folkestolen" - stóll almúgans - svona rétt eins Volkswagen - bifreið fólksins - á götum Þýskalands á sínum tíma. 

Stóllinn er innblásin af stólum Shaker trúarflokksins sem smíðaði heimsins einlægustu húsgögn. Hjá Shaker fólkinu var notað einungis svo mikið efni sem í smíðinnar fór, allt efni kom frá Móður Jörðu og allir hlutir urðu að vera Guði þóknanlegir. Svo djúp var virðing þeirra fyrir verkefninu allir hlutir, t.d. kommóður, voru jafn vel gerðir að innan sem utan. Ástæðan: Guð er allstaðar - inni í kommóðum jafnt sem utan við. Fallegt.

J39 er eingöngu smíðaður úr náttúruefnum, viðurinn er eik eða beyki og setan er gerð úr pappírs snúru. Yfirborðið er ýmist ómeðhöndlað, lakkað eða sápumettað. Þess vegna þolir hann meðferð eins og stólarnir mínir fengu - allt efnið hefur einhverntímann nærst á vatni og samsetningin er þannig gerð að hún verður bara sterkari við smá raka. 

Spúla vel, þvo setu og við og þurka - blessuð sólin hjálpaði til

Ég fékk stólanna fyrir tilviljun, þeir voru afar illa farnir,  í setunum voru blettir og olía eins og af bifreiðaverkstæði, lakkið var víða gegnum slitið og viðurinn óhreinn og  máður. En að öðru leyti voru þeir bara fínir. Þessir stólar eru 15-20 ára gamlir, eftir þessa uppgerð duga þeir a.m.k. annað eins og svo aftur og aftur - marga mannsaldra.

Lakk, skemmdir og óhreinindi slípuð og nokkrar sprungur límdar.

Uppgerðin fólst í eftirfarandi: Bleyta setuna og þvo með mjúkum kúst og mildri ullarsápu, þrífa við og lakk með nylon netpúða, vatni og Speedball hreinsiefni. Skola vel og þurrka. Þetta tókst allt vel. Sem betur fer var plastlakk á stólunum, það losnar upp við mikinn raka, á eldri gerðir lakks þarf leysiefni og það er óttalegt vesen. Svo er bara að slípa allt vel, það má hvergi vera lakkblettur því hann kemur í ljós þegar stóllinn verður lakkaður aftur. Til að fyrirbyggja það er stóllinn strokinn með röku vaskaskinni áður en síðasta slípun er gerð,  þá reisir viðurinn sig örlítið og misfellur sjást, ef einhverjar eru. Ekki er ákveðið hvort stóllinn verður meðhöndlaður með lakki eða sápu. Á setunni verður annaðhvort silíkon eða Lux sápa

Hægri: Svona voru stólarnir - Vinstri: Svona eru þeir núna.
Það á eftir að lakka eða sápubera þá.

Á heimilinu eru gamlir J39 stólar með ónýta setu, við erum búin að kaupa pappírssnúru. 120 metrar í hvern stól - ætli það se ekki næsta verkefni - einhverntíman,

PS!  Stólar úr eik þola ekki svona meðferð og engin ábyrgð er tekin á afleiðingum þess að endurtaka það sem hér er sýnt! : )  Og: Nei, ég tek svona lagað ekki að mér fyrir aðra.

Bresk frímerki tileinkuð frægri hönnun

Nokkur ógleymanleg hönnunar-íkon á frímerkjum frá 2009. 

Big Ben er reyndar ekki á þessum frímerkjum, en ætti vel heima á einu slíku

Ókeypis kreppuhönnun

Hópur hönnuða sem nefna sig Recession Design - þýðist: Kreppuhönnun - hefur staðið fyrir áhugaverðum verkefnum sem sýnd hafa verið í listamiðstöðinni Fabbrica del Vapore í Mílanó, sem áður hefur komið við sögu hér á síðunni. 

Um er að ræða 39 hönnuði sem hafa hannað hluti undir yfirskriftinni "fai da te" - gerið það sjálf (DIY). Hlutirnir eru af ýmsu tagi, en eiga það sameiginlegt að flestir ættu að ráða við smíðina, og hráefnið fæst í næstu byggingavöruverslun. Leiðbeiningum er dreift ókeypis á netinu og er heimilt að smíða eftir þeim á meðan hlutirnir eru ekki til endursölu. 

Tvær veglegar sýningar hafa verið settar upp, árin 2009 og 2010, í tenglsum við húsgagnasýningunna í Mílanó. Þess á milli hefur hópurinn haldið smærri sýningar og gefið út bók með verkefnunum. 

Hlutirnir frá 2009 eru hér og leiðbeiningarnar hér.

Hlutirnir frá 2010 eru hér og leiðbeiningarnart hér.

Hlutirnir frá 2009 

Via : recessiondesign.org  og domus