Skrautleg húsgögn frá Portúgal

Franklin háborð - Fatahengi

Boca do Lobo, sem tók til starfa árið 2005, vakti fljótlega athygli fyrir frumlega hönnun sem nú hefur gert það að einu þekktasta fyrirtæki á sínu sviði í Portúgal.

Skrautlegt

Hlutirnir eru hannaðir hjá Menina Design Group sem hefur tileinkað sér vinnuaðferðina "Design Thinking" sem rutt hefur sér rúm undanfarið. Hvort sem það er aðferðinni að þakka eða einhverju öðru þá fer ekki á milli mála að hönnunarteymið hefur þjónað Boca do Lobo vel og annaðhvort uppfyllt þörf sem fyrir var á markaðnum eða skapað nýja, því vörurnar seljast vel.

Hönnunin er djörf, þar ægir saman öllum mögulegum stílbrögðum, sem er athyglisvert í ljósi þess að margir hlutana eru hannaðir á sama tíma og minimalismi er ríkjandi um allan heim. En jafnvel hörðustu áhangendur þeirrar stefnu virðast njóta skreytilistar Boca do Lobo og húsgögnin má sjá á ólíklegustu stöðum.

Engin stefna er eilíf - ein stefna leiðir til annarar. Skreytilist er stefnt gegn minimalisma líkt og Memphis var stefnt gegn modernisma. Boca do Lobo húsgögnin eru af þessum toga og það verður fróðlegt að sjá hver þróunin verður. 

Boca do Lobo segir húsgögnin svo einstök að eigandinn bindist þeim tilfinningaböndum, enda sýni handverksmennirnir hverju og einu þeirra umhyggju sem væru þau þeirra eigin. 

Smella hér til að skoða allar myndirnar

Heritage skápar - handmálaðar postulínsflísar í mörgum lögum 

segja sögur um gamlar byggingar og ævintýri

Soho borð - speglar, svart gler, skúffur og handunnið skraut af ýmsu tagi

Útfærslur Boca do Lobo eru skrautlegar

Palace skápur - mahoní og háglans lakk

Brooklyn barskápur - leður og lakk

Versailles sófi - marmari gerður af meistarans höndum

Millionaire öryggisskápur - ekta gull

Melrose borð m. spegli

Soho skápar - kaupandinn velur saman skúffur og hurðir

Guggenheim skapar - palisander eða rósaviður

Trinity borð - Kopar, silfur eða gull, handskreytt gler og háglans lakk