Hönnunarmars 2012 - Sindrastóllinn H-5 framleiddur á ný

Á pallinum er Sindrastóll frá 1962, við gluggan nýir stólar, skammel og borð Guðbjargar Magnúsdóttur.
Fremst sést í sófa og borð eftir Guðbjörgu og fjærst glittir í Þórshamar Halldórs Hjálmarssonar.

Eitt af því sem mikla athygli vekur á sýningu húsgagnaframleiðenda í Sjóminjasafninu á Granda er endurgerð H-5 Sindrastólsins eftir Ásgeir Einarsson, sem fjallað er um hér. Það eins og allir þurfi að máta þennan stól og sjá má æskuglampa í augum þeirra sem eldri eru þegar þeir minnast samveru sinnar við hann á árum áður, enda var hann vinsæl fermingargjöf og  algengur á heimilum.

Það eru GÁ Húsgögn og Sólóhúsgögn sem framleiða stólinn í tilefni 50 ára afmælis hans. Hann er alíslenskur, öll smíði og bólstrun, meira að segja tapparnir undur fótunum og svo auðvitað gæruskinnið. Flottur.
Guðbjörg Magnúsdóttir hefur teiknað fallegt borð sem fer afar vel við stólinn. Hún hefur einnig teiknað fínt borð við Skötu og Þórshamar Halldórs Hjálmarssonar sem Sólóhúsgögn framleiðir. 

Hönnunarmars 2012 - DesignMarch 2012

Hönnun í beinni - Boðskort

Og þá er komin tími til að fagna! 

Eins og í upphafi var lofað þá endar þetta brall með frumsýningu og "léttum veigum". Hér er boðskortið, vonandi sjáumst við sem flest. Kærar þakkir fyrir samveruna og innleggin.

Hönnunarmars - Félag vöru- og iðnhönnuða í Vöruhúsinu á Laugavegi

Sköpunargleði, bjartir litir og dugnaður - engin spurning

Í björtu húsnæði Vöruhússins  við Laugaveg setti Félag vöru- og iðnhönnuða upp sýningu 28 aðila. Sýningarnar á Laugavegi og á Grandagarði voru andstæður - önnur hvít  og hin svört. Það var kraftur og gleði í loftinu eins og búast má við, sýnendur spurðir spjörunum úr og mikið spjallað. Bestu sýningarnar eru þar sem gestir finna að þeir eru þátttakendur en ekki áhorfendur, það tókst hér. 

Það var líflegt í Vöruhúsi

Sýningin var fjölbreytt, flest tengt heimili og híbýlum á einhvern hátt, enda allt nytjahlutir. Myndirnar tala sínu máli, þær eru í skissuformi og ætlað að fanga stemminguna og nokkra hluti. Ekki náðist mynd af öllu aðallega vegna þess að einhver var skoða hlutina og það er auðvitað það allra besta! Það er sjálfsagt að setja inn (eða fjarlægja) myndir ef einhver óskar þess, sendið þær bara á netfang síðunnar. Krækjur í vefsíður eru tengdar við nöfn hönnuða og framleiðenda sem gefa upp vefföng á kynningarblaði sem var óviðunandi - a5 blað með örletri engum boðlegt nema með fylgi stækkunargler, en það væri reyndar flott.   

Upplýsingar um alla þátttakendur og hlekkir á vefsíður þeirra eru hér.

 Bookmark, Kristrún Hjartar
 Geyma smáhirslur, Anna Þórunn Hauksdóttir

Skurðarbretti, Hrafnkell Birgisson og Fanney Long

Borð og bekkur úr Dokaborðum, Róbert Gíslason og Helgi Reyr Gíslason

Dvalinn kollur,  Ásdís Jörundsdóttir

Angelica borð og bakki, FærID
 Sawhorse, Kristrún Hjartar 

Svarti sauðurinn fatahengi, Ragnheiður Tryggvadóttir

Notknot púði,  Ragnheiður Ösp Sigurðardóttir

TwoTable borð, Berglindi Snorra og Jón Snorri Sigurðsson
Rocking Records, Berglindi Snorra og Jón Snorri Sigurðsson

ShowIT hub og ShowIT Bubble, FærID

Peysuleysi fjölnota fík, Björg í bú

Sculptural light, Berglindi Snorra og Jón Snorri Sigurðsson
Vegglampi, Kristrún Hjartar 


Upplýsingar um alla þátttakendur og hlekkir á vefsíður þeirra eru hér.

Hönnunarmars - Húsgagna- og innanhússarkitektar á Grandagarði

Sýningasvæðið  að Grandagarði

Framlag Félags Húsgagna- og innanhússarkitekta (FHI) á Hönnunarmars er sýningin 10+. Hún er  í rúmgóðu húsnæði á Grandagarði, Arkitektafélagið er einnig með aðstöðu þarna en ekkert var í gangi hjá þeim þegar ég kom á staðinn á Föstudaginn. Á 10+ sýna  25 hönnuðuðir verk af ýmsu tagi, lampa, húsgögn, textil o.fl. en auk þess eru Á. Guðmundsson, Sóló húsgögn og Sýrusson með sýningarsvæði. Talið er að á annað þúsund manns hafi mætt á opnunina, það endurspeglar væntanlega áhuga á hönnun -það er gott mál. Myndirnar sem hér fylgja eru í skissuformi til að sýna nokkra hluti og anda sýningarinnar. Krækjur í vefsíður eru tengdar við nöfn hönnuða og framleiðenda sem gefa upp vefföng í kynningarbæklingi. Upplýsingar um alla þátttakendur eru hér.

Retro Smile stóll, Sigrún Einarsdóttir  •  Wllis veggsess, Ragnar Þór Arnljótsson

Víðir stóll, Laufey Agnarsdóttir  •  B60 borð og stólar, Þorkell G. Guðmundsson

Eins og búast má við eru hönnuðir að fást við sæti og stóla af ýmsu tagi, allt frá "endurhönnun" til iðnhönnunar. Á myndunum eru frá vinsti: Retro Smile stóll, Sigrún Einarsdóttir - Wllis veggsess, Ragnar Þór Arnljótsson - Víðir stóll, Laufey Agnarsdóttir - B60 borð og stólar, Þorkell G. Guðmundsson.

Krot stóll, Ari Lúðvíksson  • Lampi, Anna Leoniak • Lampi, Bjargey Ingólfsdótti

Krot stóll, Ari Lúðvíksson -  Ég var ekki með rétta myndavél til að mynda lampa og lýsandi hluti, fer aftur á staðinn og bæti úr því. Þessir tveir verða að duga í bili, biðst forláts á að hafa ekki nöfnin á þeim, bæti úr því fljótlega: Lampi, Anna Leoniak - Lampi úr sigtum, Bjargey Ingólfsdóttir.

Stóll 6, Aðalheiður D. Þórólsfdóttir 
Hengjum lampan, Sigga Heimis • Fatastandur, bekkur og pullur, Volki -
Vala sæti, HArK •  Lampi, Dóra Hanssen

Frá vinstri (Mynd 1): Stóll 6, Aðalheiður D. Þórólfsdóttir fyrir Sóló húsgögn og Zenus. (Mynd 2): Hengjum lampan, Sigga Heimis - á bak við sést í: Heklaðar pullur og Ættartré fatastandur, Volki. (Mynd 3): Vala sæti, HArK. (Mynd 4): Ljós 101 lampi, Dóra Hansen.

Upplýsingar um alla þátttakendur og hlekkir á vefsíður þeirra eru hér.