Risastórt keramik Jun Kaneko

Keramik Jun Kaneko (1942) er engin smásmíði og á sér fáar hliðstæður  - margra metra hátt og mörg hundruð kíló að þyngd. Þegar verkin hafa verið mótuð úr leirnum  standa þau í fjóra mánuði til þerris og eru síðan brend í ofni í allt að 35 daga.  Aðeins fáein verk standast þessa raun og af hverjum 10 verkum takast að jafnaði aðeins 2-3 verk fullkomlega.

Jun býr í bandaríkjunum en japanskur uppruni hans fer ekki fram hjá neinum sem skoðar verk hans hvort sem það er keramik, málverk eða leikmynd.

Það er magnað hvað verkin eru fínleg þrátt fyrir stærðina og erfitt að gera sér grein fyrir stærð þeirra nema hafa eitthvað til viðmiðunar. Verkin á myndunum eru öll nokkurra metra há en þegar ekkert er til viðmiðunar gæti maður alveg jafnt ímyndað sér að þau stæðu á stofuborðinu heima. Ég hefði a.m.k. ekkert á móti því að eitt slíkt stæði á borðinu mínu - kannske í smækkaðri mynd!

Verk í vinnslu. Gott að hafa þessi hlutföll í huga þegar myndirnar eru skoðaðar

Á þessu stutta myndbandi má gera sér grein fyrir umfangi verka listamannsins.

Vængjaðir bollar og hversdagshlutir Rebeccu Wilson

Brotin gulli sleginn bolli á gólfinu 

Memoria; 100 Cups of Tea, Never To Be…Gulli sleginn tebolli liggur brotinn á gólfinu - yfir sveimar sál hans í líki 100 vængjaðra tebolla úr postulíni. Í hverjum englabolla vakir örlítill ljósgeisli sem lýsir veginn.
Á þessa leið útskýrir Rebecca Wilson verkið sem hún nefnir ”Memoria; 100 Cups of Tea, Never To Be…”. Vængjuðu bollarnir eru handgerðir og hengdir upp með ljósleiðara.

Vængjaður herskari 100 "Englabolla" sveimar yfir brotunum

 ‘A Wee Bit of Light Relief ‘ er einnig gert úr postulíni. Ýmsir hlutir sem við umgöngumst daglega eru endurgerðir og hengdir upp í þyrpingu. Í dagsbirtu er skugginn inni í þyrpingunni en þegar kveikt er á ljósinu er hann utan á henni. Við hreyfingu klingir í postulíninu.

Hversdagslegir hlutir úr postulíni

Spegill, spegill herm þú mér…

Speglar - hart glerið virðist vera mjúkt  - eins og leikjáld

Kunningi minn sagði eitt sinn, "Ég hlakka alltaf til að horfa í spegilinn á morgnana, því ég verð fallegri með hverjum deginum sem líður." Gott viðhorf.

Gler er hart, sterkt og kalt, en Ron Gilad tekst að móta það eins og það sé mjúkt og fljótandi. Blaðra eða fígúra lyftir neðri hlutanum upp eins hann sé úr fisléttu efni eða leiktjald. Verk Gilads eru mjög athyglisverð, það þarf að gefa sér góðan tíma til að skoða vefsíðurnar hans en það er vel þess virði. Mæli með því.

Vefsíðurnar:  

'spaces etc / an excercise in utility' flott sýning frá 2009

designfenzider er sýning og vefverslun 

Smellið á myndina til að sjá fleiri stórar myndir
.

Vasar úr glösum og rörum

Vasarnir hlutu viðurkenningu Elle International 2010. 

Þessir blómavasar voru upphaflega gerðir úr glösum og rörum eins og þeim sem notuð eru á rannsóknastofum. Rörin er auðvelt að beygja með því að hita þau en glösin voru brædd saman.  Þeir sem unnið hafa í byggingaiðnaði þekkja vafalaust einfalt áhald sem notað er til hæðarmælinga - slanga er fyllt með vatni og þar sem vatnið er alltaf jafnhátt í báðum endum er hægt að taka jafna hæð við sitt hvorn enda slöngunnar. Hönnun vasans á neðri myndunum var innblásin af þessu lögmáli, rörið er beygt í lykkju og myndar tvo leggi sem opið er á milli - vatnið er því alltaf jafnhátt í báðum leggjunum  .
Hönnuðurinn Jan Padrnos er Tékkneskur , hann rekur Backbox í Třebíč, sem hannar húsgögn og innanstokksmuni

Vasin "Seven" er gerður úr sjö glösum eins og notuð eru á rannsóknastofum.

Vasin "Triu" er gerður úr glerrörum.

 Via: designeast.eu/